lørdag 16. februar 2019

காணாமலாக்கப்பட்டவரின் மனைவிக்கு அச்சுறுத்தல் –

காணாமலாக்கப்பட்டவரின் மனைவிக்கு அச்சுறுத்தல் – பாதுகாப்பு வழங்குமாறு கோரிக்கை

மன்னார் பேசாலையைச் சேர்ந்த காணாமலாக்கப்பட்ட ஒருவரின் மனைவி பாதுகாப்பு கோரி மன்னார் மனித உரிமைகள் ஆணைக்குழு வில் முறைப்பாடு ஒன்றை பதிவு செய்துள்ளார். இந்த முறைப்பாடு வாய் மொழி மூலம் நேற்று (புதன்கிழமை) மனித உரிமை ஆணைகுழுவின் மன்னார் மாவட்ட உப காரியாலயத்தில் மேற்கொள்ளப்பட்டுள்ளது.

                                                      பேசாலை 8 ஆம் வட்டாரம் பகுதியைச் சேர்ந்த காணாமலாக்கப்பட்ட நபரொருவரின் மனைவியான ஆனந்த ராஜா எட்னா டயஸ் என்பவரே, தனக்கும் தன்னுடைய மூன்று பிள்ளைகளுக்கும் உயிர் அச்சுறுத்தல் காணப்படுவதாக முறைப்பாடு பதிவு செய்துள்ளார்.
குறித்த பெண்ணின் கணவன் காணாமலாக்கப்பட்ட விடயம் தொடர் பான வழக்கு 15ஆம் திகதி மன்னார் மேல் நீதிமன்றத்தில் விசாரணைக்கு எடுத்துக்கொள்ளப்படவுள்ளது.

இந்நிலையில, கடந்த வெள்ளிக்கிழமை இரவு 10.45 மணியளவில் குறித்த பெண்ணின் வீட்டுக்குள் புகுந்த சிலர், வீட்டுக்குள் ஆயுதம் புதைக்கப்பட் டுள்ளாக தெரிவித்து அச்சுறுத்தி சோதனை செய்துள்ளனர். இந்த விடயம் தொடர்பாக பொலிஸ் நிலையத்தில் குறித்த பெண் முறைப்பாடு பதிவு செய்துள்ளார்.

                                            மேலும் இந்த சம்பவம் காரணமாக தனக்கும் தனது பிள்ளைகளுக்கும் உயிர் ஆபத்து காணப்படுவதாகவும் எனவே தங்களுக் குரிய பாதுகாப்பினை உறுதிப்படுத்தி தறுமாறு கோரி குறித்த முறைப் பாட்டை மேற்கொண்டுள்ளார். கடந்த 2008ஆம் ஆண்டு பேசாலை பாடசா லைக்கு அருகில் இலங்கை கடற்படையினரால் குறித்த பெண்னின் கணவன் கைது செய்யப்பட்டு காணமல் ஆக்கப்பட்டுள்ளமை குறிப்பிட த்தக்கது.

søndag 3. februar 2019

சுமந்திரன் சொல்லும், மன்னார் புதைகுழி அதிர்ச்சி, பேசாலை வெற்றிநாயகி ஆலையத்துக்கா?

                                                                                            மன்னார் புதைகுழி எச்சங்கள். அமெரிக்காவில் உள்ள புளோரிடா காபர்ன் ஆய்வு நிலையத்துக்கு, இலங்கை அரசாங்கத்தினால் அனுப்பிவைக்கப்பட்டுள்ள நிலையில், அதன் முடிவுகள் தமிழருக்கு அத்ரிச்சியாக இருக்கலாம் என்ற கருத்தை, சுமந்திரன் அவர்கள் வெளிப்படுத்தியுள்ளார், அது பேசாலை மக்களு க்கா? என்ற ஒரு கோணமும், இப்போது பலரால் பேசப்படுகின்றது, ஏனெ னில்,  தற்போது அடையாளம் காணப்பட்டுள்ள புதைகுழி பகுதிக்கு அண்மையில், பேசாலை வெற்றிமாதா ஆலயத்திற்கு சொந்தமாக கட்டிடம் ஒன்றுமுள்ளது. 

                                                                    சில வருடங்களின் முன்னர் அந்த கட்டிடம் அமைக்கப்பட்டது. அதற்காக நிலத்தை தோண்டியபோது, எலும்புக்கூட் 

டின் எச்சம் மீட்கப்பட்டது, ஆலய கட்டிட பணியை தாமதிக்க வைக்காமலிருக்க, வேறிடத்தில் அதை புதைத்துவிட்டு, காதும்காதும் வைத்ததைபோல விசயத்தை முடித்துவிட்டு கட்டிடத்தை கட்டியதாக ஊகம் ஒன்றினை தெரிவிக்கின்றனர். இது தவறான பரப்புரை என்று பேசாலை குடிமகன் என்ற வகையில் வாதிடுகின்றேன்.  1978  காலப்பகுதியில் அருட்குரு பொன்னையா அமதி, பங்குகுருவாக இருந்த போது, அந்த நிலத்தில், பேக்கரி ஒன்று இருந்தது, அதனை பேசாலை பிரபலம் ஒருவர், ஆட்சி அதிகாரத்தை காட்டி, சொந்தம் கொண்டாடினார், அந்த பேக்கரியில் எனது தகப்பானர் திரு, லோறன்ஸ் பீரிஸ் அவர்களும் சிலகாலம் குத்தகைக்கு வைத்திருந்தார், பின்னர் அவரும், குறித்த பேசாலை பிரமுகருக்கு எதிராக தன்னால் இன்ற அளவு வாதிட்டார், பின்னர் விடயம் பொன்னையா சுவாமியிடம் சென்றபோது, அவர் அதை நீதிமன்றில் வாதிட்டு, பேசாலை வெற்றி நாயகி ஆலையத்துக்கு சொந்தமாக்கினார், அப்பொழுதுதான், துரம் மாஸ்டர் தலைமயில், கட்டிட நிர்மானவேலை தொடங்கியது, அப்போது இனப்பிரச்சனை கூர்மை அடையவில்லை, பின்னர் 2010 பின்னர் அதே வெற்றிமாதா கட்டிடம், இளம் பொறியலாளரும், திரு, லோரன்ஸ் பீரிஸின் பேரனுமான திரு, கிளரன்ஸ் பீரிஸினால் மீல்புனரமைக்கப்பட்டது, இதனையே தவறாக விசமிகள், புதைகுழி விடயமாக தொடர்புபடுத்தியுள்ளனர்.

                                அமெரிக்காவின் புளோரிடாவில் ஆய்விற்காக கொண்டு செல்லப்பட்டுள்ளது. வரும் ஓரிரு நாட்களில் அந்த பரிசோதனை முடிவுகள் வெளிவந்து விடும். எந்தக்காலத்திற்கு உரியவை என்பது தெரிய வந்தால், அந்த காலப்பகுதியில் புதைகுழி அமைந்துள்ள பகுதி யாருடைய கட்டுப்பாட்டில் இருந்தது என்பதை ஊகிக்க முடியும்.
அடுத்த ஒருசில நாட்களில் காபன் பரிசோதனை முடிவுகள் வெளியாகும் என அறிவிக்கப்பட்டுள்ள நிலையில்,இந்த விவகாரம் பெரும் பரபரப்பை ஏற்படுத்தியுள்ளது. யார் இந்த புதைகுழியின் பொறுப்பாளிகள் என்ற ஊகங்களும், தகவல்களும் தீவிரம் பெற்றுள்ளன.
                                                                            தற்போதைய நிலையில், நான்கு சாத்தியங்கள் குறித்தே அதிகம் பேசப்படுகின்றன. அதற்கு முன்னதாக ஒரு தகவல். மன்னாரில் பெரிய இராணுவ தளம் தள்ளாடி. தள்ளாடிக்கு சற்று அப்பால்- மன்னார் நகரின் நுழைவாயிலை அண்டிய பகுதியில் இந்த மனித புதைகுழி உள்ளது. யுத்த காலத்தில் மன்னார் நகர நுழைவாயில் எப்பொழுதும் பாதுகாப்பு தரப்பிற்கு மிக முக்கியமான மையம். தள்ளாடி இராணுவ முகாமிலிருந்தபடி, மன்னார் நகர நுழைவாயிலை கட்டுப்படுத்த முடியாது. அதனால் மன்னார் நகர நுழைவாயிலில் இலங்கை படைகள் முகாம் அமைத்திருந்தார்கள். ஆனால், அது 1990களின் பின்னரே. 1990களிலேயே இலங்கை இராணுவம் மன்னார் தீவை கைப்பற்றியது. தற்போது மனித புதைகுழி இருக்கும் இடத்திற்கு எதிர்ப்புறமாக உள்ள கூட்டுறவு சங்க கட்டிடத்திலேயே இலங்கை இராணுவம் முகாம் அமைத்திருந்ததாக மூத்த மன்னார்வாசிகள் தெரிவிக்கின்றனர்.

                                                                                       அதேபோல, 1990இல் புதைகுழி பகுதியில் வங்கி அமைக்கப்பட்டு விட்டது. ஆகவே, 1990 இன் ஆரம்பத்திற்கு முன்னரேயே இந்த மனித புதைகுழி உருவாக்கப்பட்டிருக்க வாய்ப்புண்டு.
இந்த புதைகுழிக்கு அண்மையாக இந்திய இராணுவத்தின் முகாமும் இருந்தது. ஆனால், எந்த காலத்திலும், புதைகுழி பகுதிக்கு மேல் இராணுவ முகாம் எதுவும் அமைந்திருக்கவில்லையென்கிறார்கள் மன்னார் வாசிகள்.ஆக, முகாம் ஒன்றிற்குள் இந்த மனித புதைகுழி உருவாக்கப்பட்டிருக்க வாய்ப்பில்லை, முகாமின் வெளிப்பகுதி ஒன்றிலேயே மனித புதைகுழி உருவாக்கப்பட்டிருக்க வாய்ப்புள்ளது. இதேவேளை, அங்கு வங்கி அமைக்கப்பட்ட சரியான திகதி தெரிந்தால், அந்த புதைகுழியுடன் இந்திய இராணுவம் தொடர்புபட்டதா என்பதை ஊகிக்க முடியும். எனினும், மன்னாரின் மூத்த குடிகள் பலருடன் பேசியபோதும், அதை அவர்களால் துல்லியமாக பேச முடியவில்லை.

                                                             புதைகுழி தொடர்பாக, நிலவும் ஊகங்களை இப்பொழுது அவதானிப்போம். 1.தமிழ் இயக்கம் ஒன்று செய்திருக்கலாம். 2.இந்திய இராணுவம் செய்திருக்கலாம்.3.இலங்கை இராணுவம் செய்திருக்கலாம்.
4.சுடுகாடு. இதில் 4வது ஊகமான சுடுகாட்டிற்கு வாய்ப்பில்லையென்றுதான் தோன்றுகிறது. ஒன்றின்மேல் ஒன்றாக உடல்கள் அடுக்கப்பட்டுள்ளது, விலங்கிடப்பட்ட நிலையில் மீட்கப்பட்ட எலும்புகூடுகள், சுடுகாடாக கருத வாய்பில்லையெ்றுதான் தோன்றுகிறது.

                                                                                    இந்திய இராணுவத்தின் முகாம் அதில் அமைந்திருக்கவில்லை. சற்று தள்ளி- சிறு நூறு மீற்றர்களின் அப்பால் இருந்தது. இலங்கை படைகளும், புதைகுழிக்கு எதிர்ப்புறமாகவே இருந்தார்கள். 1990இல் இலங்கை படைகள் மன்னார் தீவிற்குள் நுழைந்தபோது, புதைகுழியிடத்திலிருந்த வங்கி கட்டப்பட்டிருந்ததா என்பதை உறுதிசெய்தால், இலங்கை படைகள் இதில் தொடர்புபட்டார்களா என்பது தெரியும். மன்னாரில் அந்த காலப்பகுதியில் பலமாக இருந்த இயக்கங்கள் இரண்டு. ஒன்று- ஈ.பி.ஆர்.எல்.எவ். மற்றது- புளொட்.

                                                                                      புளொட் மன்னார் மாவட்டத்தில் பெரிய முகாம் அமைத்திருந்தாலும், அந்த முகாம் மன்னார் நகரத்திலிருந்து 40 கிலோமீற்றர்கள் தொலைவிலிருந்த குஞ்சுக்குளத்திலேயே அமைந்திருந்தது. புதைகுழிக்கு அண்மையாக இருந்த இந்திய இராணுவத்துடன் இணைந்து ஈ.பி.ஆர்.எல்.எவ் அமைப்பின் முகாம் இருந்தது. இந்திய இராணுவம் அல்லது இராணுவத்துடன் இணைந்து ஈ.பி.ஆர்.எல்.எவ் இந்த புதைகுழியை உருவா க்கியதா என்ற ஊகம் மன்னார்வாசிகளிடம் இருந்தது. ஆனால், ஈ.பி.ஆர்.எல்.எவ் இன் மூத்த பிரமுகர்கள், அப்படியொரு சம்பவம் நடக்கவில்லையென அடித்து சொல்கின்றார்கள். தமிழ் இயக்கங்களில் விடுதலைப்புலிகளை பற்றிய ஊகமும் உள்ளது. இலங்கை இராணுவம் செய்திருக்கலாமென்ற ஊகமும் மக்களிடம் உள்ளது.

                                                              இந்திய இராணுவம் வெளியேறிய சமயத்தில், கைவிடப்பட்ட ஈ.பி.ஆர்.எல்.எவ் மற்றும் தமிழ் தேசிய இராணுவத்தின் பிரமுகர்கள் கடல்மார்க்கமாக இந்தியாவிற்கு தப்பி செல்வதற்காக, மன்னாரிற்கு சென்றபோது- அல்லது வேறிடத்தில் கைது செய்யப்பட்டு மன்னாரிற்கு கொண்டு வரப்பட்டு கொல்லப்பட்டார்கள் என்ற ஊகமும் உள்ளது. இந்த ஊகத்தினை நான் ஓரளவு ஒத்துக்கொள்கின்றென், ஏனெனில் 1985 காலப்பகுதியில் மன்னார் தீவு முழுமையும் தமிழகத்திற்கு அகதிகாளாக சென்றனர் அப்பொழுது மன்னார் தீவே மிக சொற்பமான மக்களுடன் இராணுவ கட்டுப்பாட்டில் இருந்தது, அப்பொழுது மீண்டும் மன்னாருக்கு இந்தியாவில் இருந்து வந்த சில பேசாலைவாசிகள் என்ன நடந்தது என்பது மர்மமாக உள்ளது, இந்த எலும்புக்கூடுகளுக்குள், மரியதாசன் இம்மனுவேல் துரம் என்ற எனக்கு தெரிந்த எனது உறவினரின் எலும்பாகவும் இருக்கலாம், 

                                                               இவை எல்லாவற்றையும் விட, இன்னொரு யதார்த்தம் உள்ளது. புதைகுழி ஆய்வுப்பணி மற்றும் புலனாய்வு தகவல்களின் மூலம், புதைகுழியின் காலப்பகுதியை ஓரளவு நெருக்கமாகவும், யாரால் உருவாக்கப்பட்ட புதைகுழியென்பதையும் அரசு ஓரளவு துல்லியமாக அறிந்து கொண்டிருக்கும். தேர்தல்கள் நெருக்கும் சமயத்தில், புதிய அரசியலமைப்பு விவகாரத்தை கைவிட்ட ஐ.தே.க அரசாங்கம், பாதுகாப்பு தரப்புடன் தொடர்புடைய புதைகுழி பற்றிய விடயமொன்றில் கைவைக்க விரும்பாது. அகழ்வு பணிகளில் பெரியளவான இழுத்தடிப்புக்கள் செய்யாமல், அதை காபன் பரிசோதனைக்கு அனுமதித்தது- சில உள்ளக தகவல்களின் மூலம் புதைகுழி விவகாரத்தை உறுதிசெய்ததன் பின்னராகவும் இருக்கலாம். நாடாளுமன்ற உறுப்பினர் எம்.ஏ.சுமந்திரனும் இதைப்பற்றி கூறியிருந்தார். காபன் பரிசோதனை முடிவுகள் தமிழர்களிற்கு அதிர்ச்சியளிப்பதாகவும் இருக்க லாமென்றார். ஏதோ ஒரு உள்ளக தகவலின் அடிப்படையிலேயே அவர் அதை சொல்லியிருக்கலாம்.

                                                                 இப்படியான தகவல்களும், ஊகங்களும்- விஞ்ஞானபூர்வமானவை அல்ல. முறையான ஆய்வு முடிவுகளே, நம்பத்தகுந்தவை. அதனால், காபன் பரிசோதனை முடிவுகள் வரும்வரை காத்திருக்கலாம்.
அந்த முடிவு, அனேகமாக தமிழர்களிற்கு அதிர்ச்சியளிப்பதாகவும் அமையலாம்! ஆனால் அதற்கும் பேசாலை வெற்றி நாயகி ஆலைஅத்துக்கும், பேசாலை மக்களுக்கும் தொடர்பு இல்லை என ஆணித்தரமாக சொல்கின்றென். நன்றி, அன்புடன் பேசாலைதாஸ்

onsdag 9. januar 2019

பேசாலை நாயகியே!

பேசாலை நாயகியே… 
2009களில் வெளிவந்த காணொளி…
நடிகர்களாக – விஜய், பிரியங்கா…
பாடகராக – மகிந்தகுமார்
இசை ஒருங்கிணைப்பு – C. சுதர்சன்
பாடல்வரிகள், இசை, இயக்கம் - அருட்பணி. விமல் அமதி
ஒளிப்பதிவு – பொபிசா வீடியோ (2009)
(பல வருடங்களிற்குப்பிறகு பதிவேற்றம் செய்யப்படுவதால் காணொளியில் துல்லியமின்மை. மன்னிக்கவும்)
https://www.facebook.com/1976VIMAL/videos/278981616118596/?t=0

torsdag 27. desember 2018

மரம் வளர்ப்போம்! மண் காப்போம்!

மரம் வளர்ப்போம்! மண் காப்போம்! பேசாலைதாஸ்

                                 மரம் வளர்ப்பது, இயற்கையான காடுகளை அழியாது பாதுகாப்பது என்பது மிக மிக அத்தியாவசிய செயல்பாடாக மாறி வருகி ன்றது, உலகம் வெப்பமயமாகின்றது என்றும் அதனால் உலகம் இயற்கை பேரழிவுகளை சந்தி க்க இருக்கின்றது என்று விஞ்ஞானிகள் எச்சரி க்கின்றார்கள், உலக வெப்பமயம் ஆகுதல் மூலம்,  உலக கடல் மட்டம் இன்னும் முப்பது வருடங்களில் அபரிமிதமாக உயரும் என்றும் பல தீவுகள் அழிந்துவிடும் என்றும் நாஸா எச்சரித்து ள்ளது. மாலைதீவு கூட்டங்களில் சில தீவுகள் கடலில் அமிழ்ந்துவிட்டது,

                                                       அங்கு வாழ்ந்த மக்களுக்கு பல வருடங்களுக்கு முன்பு அவுஸ்திரேலியா குடியுரிமை கொடுத்து ஏற்றுக்கொன்ட விடயம் யாவரும் அறிந்ததே! மாலை தீவுக்கு  சற்று அப்பால் தென் பக்கமாக இரு க்கும், அமெரிக்க இராணுவதளம் கொண்ட டியாகோ கார்ஸியா நீரில் மூழ்கும் அபாயம் நெருங்கிவருவதால், அமெரிக்கா திரிகோணமலை யை தம்வசப்படுத்த பகிரத முயற்சிகளை மேற்கொண்டு வருகின்றது. இன்னும் மன்னார் தீவு ஐம்பது வருடத்தில் முற்றாக நீரில் மூழ்கும் அபாயம் உண்டு! 


                                                           காடுகளை அழியாது பராமரிப்பதன் ஊடாக உலகம் வெப்பமயமாகுதலின் விரைவை கட்டுப்படுத்த முடியும், மரங் களை வளர்ப்பதன் ஊடாக பசுமையை ஏற்படுத்த முடியும், எங்கு அடர்ந்த காடுகள் உண்டோ, எங்கே  வானளாவிய உயர் மரங்கள் உண்டோ அங்கு தான் மழை வீழ்ச்சி அதிகமாக இருக்கும், இதனால் அப்பிரதேசங்களில் வெப்பம் குறைந்து மிதமான காலனிலை காணப்படும். இதை புரிந்து கொள்ள அதிக விளக்கம் தேவையில்லை என் நினைக்கின்றேன். 


                                                   இலங்கைத்தீவில் வரண்ட பகுதியாக புவியல் பாடத்தில், மன்னார்,அம்பாந்தோட்டை மாவட்டங்கள் காணப்படுகி ன்றது. வடகீழ், தென்மேல் பருவக்காற்றுகள் வீசும் திசைகளை ஒதுக்கு ப்புறமாக கொண்டிருப்பதாலேயே இப்பகுதிகளுக்கு மழை வீழ்ச்சி மிக மிக குறைவாக இருப்பதாக சொல்லப்படுகின்றது, அந்த காரணம் ஏற்பு டையே ஆயினும் அதுமட்டும் காரணம் அல்ல, மன்னார் மாவட்டத்தை பொறுத்தவரை, கழுதைகள் உலாவும் உப்புத்தரவையும், வரண்ட மணல் திட்டுகளும், மழை வீழ்ச்சி குறைவுக்கு காரனமாக அமைகின்றது, பனை மரங்களையும், ஈச்சை பற்றைகளும் சாரீரப்பதனை அதிகாரிக்காது, இதற்கு மாறாக கள்ளிபற்றைகள் காற்றின் சாரீரப்பதனை உறிஞ்சி எடுத்துவிடும் தன்மை கொண்டது.


                                                                 குடைபோல விரிந்து குளிர்ச்சியான நிழல் தரும் உயிலை மரங்கள், உடை மரங்கள் மழை வீச்சியை துரிதப்படுத்தும் காட்டு மரங்களாகும்,  ஆனால் அவை யாவும் துரித கதியில் வெட்டிச்சாய் க்கப்படுகின்றன, வறிய சில குடும்பங்கள் தமது பிழைப்பூதியத்துகாக விரகு வெட்டிப்பிழைப்பதை நாம் பொறுத்துக்கொண்டாலும், எரிவாய்வு வங்கி சமையல் செய்ய முடியாத வறிய குடும்பங்கள் விரகு வெட்ட காட் டுமரங்களை தறிப்பதை மனிதாபிமான ரீதியில் ஏற்றுக்கொள்ளலாம், ஆனால் பேக்கரிகள், தொழில்சாலைகள் பெருமளவில் காட்டு மரங் களை அழிப்பதை எப்படி சகித்துக்கொள்ளமுடியும்?


                                                          
எமது கிராமத்தில் இயங்கிவரும் நண்டு, மீன் பதனிடும் தனியார் ஸ்தாபனம் பெருமளவு உடைமரங்கள், உயில்மரங் களை நாள் தோறும் தறித்து, எரிபொருளாக பாவிப்பதை நாம் கண்டும் கானாதவர்கள் போல‌ அலட்சியம் செய்கின்றோம், உடனடியாக இந்த ஸ்தாபனம் காட்டு வளங்களை  சூறையாடுவதை தடுத்து நிறுத்த அவச ரமாக நடவடிக்கையில் இறங்கவேண்டும்! தொழில் நிறுவனத்திற்கு நாம் எதிர்ப்பாளர்கள் அல்ல, ஆனால் எரிபொருளாக காட்டு மரங்கள் பாவிப் பதை தடை செய்யவேண்டும். பேசாலையில் கணிசமான குடும்பங்கள், எரிவாய்வை சமையலுக்கு பாவித்துவரும் இந்த நிலையில், தனியார் ஸ்தாபனம் இலாபத்திற்காக எமது காட்டுமரங்களை அழிப்பதை எமது உறவுகளே அனுமதிக்காதீர்கள்! இது சம்பந்தமாக பிரதேச சபை நிர்வா கிகள் தங்களது கவனத்திற்கு கொண்டுவரும்படி பணிவாக ஊரின் சார்பில் கோரிக்கைவிடுகின்றேன்! உடனடியாக எமது கோவில் நிர்வா கம், இந்து ஆலைய நிர்வாகிகள், பாடசாலை மாணவர்கள் மற்றும் கழக ங்கள் உடனடியாக விரைந்து செயல்படவேண்டும் என்று உரிமையோடு கோரிக்கைவிடுகின்றோம். மீண்டும் தங்களது கவனத்திற்கு நினைவூ ட்டுகின்றோம், நாம் தொழிற்சாலையை எதிர்க்கவில்லை ஆனால் காட்டை அழிப்பதை எதிர்க்கின்றோம்,  எமது வளங்களை நாம் பாதுகா ப்போம், இறைவன் நமக்கு தந்த  இயற்கையை பாதுகாப்போம், இயற் கையின் சீற்றங்களுக்கு இரையாகாமல் துரிதமாக செயல்படுவோம்! அன்பின் பேசாலைதாஸ்

fredag 7. desember 2018

தாய் முகத்தை பார்க்காமல், யார் முகத்தை பார்த்தழுவேன்? நீ கொடுத்த நிழலை விட்டு யார் நிழிலலில் போய்யிருப்பேன்?


தாய் முகத்தை பார்க்காமல், யார் முகத்தை  பார்த்தழுவேன்? நீ கொடுத்த நிழலை விட்டு யார் நிழிலலில் போய்யிருப்பேன்?  பேசாலைதாஸ்

                                                      இன்று எனது பேசாலை மக்கள் அன்னைக்கு விழா எடுத்து மகிழ்கின்றார்கள்! இந்த மரியாள் என்ற பெண் இல்லை என்றால் கிறிஸ்து மனிதனாத பிறக்க சந்தர்ப்பம் ஏது? இந்த உலகில் ஒரு மனிதன் பிறக்கவேண்டும் என்றால் ஒரு பெண் அதற்கு இணங்க வேண்டும்! அந்த இணக்கம் இல்லாமல் இறைவன் நினைத்தால் கூட மனிதாக பிறக்க முடி யாது! கிறிஸ்து மனிதனாக பிறக்கவேண்டும் இல்லை என்றால் மனிதனுக்கு இரட்சிப்பு இல்லை, எனவே மனித குலத்தை இரட்சித்தது அன்னை மரியாளே!இதனை எமது பங்கிலே இருந்து கொண்டு அன்னையை விமர்சிக்கும் சபை சகோதரங்கள் உணரவேண்டும்! என் நினைவுகளில் சதா அன்னையின் நினைவே வந்து போகின்றது, அன்னையைபற்றி சினிமா பாடலில் வரும் அடிகள் ஏனோ என் மனதை தொட்டு செல்கின்றன அதனை  இன்நாட்களில் உங்களோடு பகிர துனிந்தேன், தாய் முகத்தை பார்க்காமல், யார் முகத்தை  பார்த்தழுவேன்?நீ கொடுத்த நிழலை விட்டு யார் நிழிலலில் போய்யிருப்பேன்? அன்புக்கரங்கள் படத்தில் வரும் பாடலின் அடிகள்  

எனக்கு பிடித்த இன்னொரு பாடல் வரிகள் " அன்னையை பார்த்த பின் என்னவேண்டும் தெய்வமே? இன்று நான் உன் பிள்ளைபோல மாறவேண்டும்  என் அன்னையே! இந்த பாடல் தெவமகன் படப்பாடலில் இடம் பெறுகின்றது பேசாலைதாஸ்
         


அன்னையை பார்த்த பின் என்னவேண்டும் தெய்வமே? 


காணாமலாக்கப்பட்டவரின் மனைவிக்கு அச்சுறுத்தல் –

காணாமலாக்கப்பட்டவரின் மனைவிக்கு அச்சுறுத்தல் – பாதுகாப்பு வழங்குமாறு கோரிக்கை மன்னார் பேசாலையைச் சேர்ந்த காணாமலாக்கப்பட்ட ஒருவரின் மனைவி ப...